Страхаванне адказнасці перад суседзямі

Жыццё ў шматкватэрных дамах вялікіх гарадоў, безумоўна, асацыюецца з выгодай і камфортам. Нам не трэба думаць, як нарыхтаваць дровы на зіму і прынесці вады з калодзежа. У той жа час блізкасць суседзяў абавязвае нас ўлічваць і іх інтарэсы. Бо проста пражываючы ў кватэры мы можам самі таго не жадаючы нанесці ім істотную шкоду.

Самы просты прыклад. Вы ўключылі пральную машыну і сышлі ў краму. Але машына раптам зламалася і ўся вада «пабегла» па кватэры. Вы ў гэты час шпацыруеце і ні пра што не здагадваецеся. Пры вяртанні каля дзвярэй кватэры можна будзе ўбачыць раз’юшаных суседзяў і ваду, што выцякае з-пад дзвярэй.

У такой сітуацыі можа істотна пацярпець аздабленне Вашай кватэры, хатняя маёмасць, тэхніка. І аднаўляць яго Вам давядзецца за свой кошт (акрамя выпадкаў, калі маёмасць і аздабленне застрахаваны). Але і гэта не заўсёды самае страшнае. Акрамя ўласнага, таксама прыйдзецца аплачваць шкоду, якую Вы прычынілі суседзям. А памер шкоды па такіх «заліццях» можа быць зусім не маленькім. Бо пры затапленні кватэр можа быць пашкоджана дарагое аздабленне (столь, сцены, падлога), бытавая тэхніка, мэбля.

Калі Вы хочаце не хвалявацца ў такіх сітуацыях і адчуваць сябе спакойна, калі пакідаеце кватэру без нагляду, то для Вас ёсць выдатнае рашэнне – страхаванне грамадзянскай адказнасці ўладальнікаў кватэр.

Заключыўшы такі дагавор страхавання, Вы перакладаеце ўсю адказнасць за магчымы ўрон перад суседзямі на плечы страхавой кампаніі.

Якія рызыкі пакрывае гэтая страхоўка?

Поліс страхавання адказнасці ўладальнікаў кватэр пакрывае шкоду, якая можа паўстаць у выніку:

• Аварыі ацяпляльнай, вадаправоднай, каналізацыйнай сістэмы;
• Пажару, выбуху;
• Заліцця кватэр, выкліканага выкарыстаннем рознага абсталявання;
• Рамонту, перабудовы, перапланіроўкі, пераабсталявання кватэры.

Таксама па страхоўцы могуць аплачвацца судовыя выдаткі кліента, звязаныя з прычыненнем шкоды суседзям. Максімальны ліміт такіх выдаткаў прапісваецца ў страхавым полісе.

Колькі гэта каштуе?

Кошт поліса складае каля 0,5% -0,7% ад максімальнага ліміту адказнасці па страхавых выпадках. Так, напрыклад, гадавая страхоўка для кватэры, размешчанай на 10 паверсе, з лімітам адказнасці ў 5 000 беларускіх рублёў будзе каштаваць менш за 30 рублёў.

Як заключыць дагавор страхавання?

Для таго, каб аформіць поліс страхавання адказнасці перад суседзямі трэба проста прыехаць да нас у офіс. З сабой трэба мець толькі грамадзянскі пашпарт. Пры гэтым заключыць дагавор можа як уласнік жылля, так і любы іншы грамадзянін. Прад’яўляць тэхнічны пашпарт і іншыя дакументы па кватэру не патрабуецца.

Разлічыць дакладную суму ўнёску і атрымаць дадатковую кансультацыю па дадзеным і іншых відах страхавання Вы можаце ў нашых спецыялістаў. Мы з задавальненнем адкажам на Вашыя пытанні.