КАСКА для грамадзян
У Беларусі паслугі страхавання КАСКА даступныя як юрыдычным, так і фізічным асобам. Пры гэтым варта адзначыць, што ў розных кампаній умовы страхавання для юрыдычных і фізічных асоб могуць адрознівацца.
Асноўныя ўмовы афармлення дамовы КАСКА з фізічнай асобай:
1. Для афармлення поліса страхавання неабходна падаць:
– дакументы на аўтамабіль (тэхпашпарт, а для машын, не пастаўленых на ўлік – рахунак-даведка ці іншы дакумент)
– пашпарт страхавальніка
– пры неабходнасці даверанасць ці дамова арэнды, бязвыплатнага карыстання (калі аўтамабіль выкарыстоўваецца па даверанасці ці дамове)
– чысты аўтамабіль.
2. Дамова можа афармляцца на карысць уладальніка або іншай зацікаўленай асобы (карыстач па даверанасці і г.д.).
3. Дамова страхавання афармляецца, як правіла, на адзін год з магчымасцю растэрміноўкі плацяжоў (аплата ў два ці чатыры этапы)
4. Страхавальнік можа вызначыць некаторыя ўмовы страхавання (ад якіх, як правіла, залежыць кошт поліса):
– страхаванне «са зносам» ці «без зносу»
– тэрыторыя дзеяння – “толькі Беларусь” ці «ўсе краіны свету»
-варыянты аплаты ўнёску (адначасова, у два ці чатыры этапы)
– валюта страхавання
5. Страхавыя кампаніі часта даюць зніжкі ці бонусы пры некаторых умовах:
– за высокі стаж кіравання
– за наяўнасць полісаў па іншых відах страхавання ў той жа кампаніі, дзе плануецца КАСКА
– за страхаванне новых, гарантыйных, крэдытных аўтамабіляў
Апісаныя ўмовы з’яўляюцца тыповымі для большасці страхавых кампаній. Тым не менш, у правілах кожнай кампаніі ёсць свае асаблівасці і нюансы. Таму мы рэкамендуем дэталёва вывучыць умовы той кампаніі, якой Вы плануеце даручыць сваю маёмасць.